Batyr Mustafın 21 naýryzda túngi saǵat 2-de dúnıege keldi. Qala ákimi Qaırat Núkenov jas otbasyn quttyqtap, náresteniń kórimdigine dep 500 myń teńgeniń sertıfıkatyn tabys etti.
Aqsý qalasy – metallýrgter men energetıkter ordasy. Munda «Eýrazııalyq energetıkalyq korporasııa» AQ jáne «Aqsý ferroqorytpa zaýyty» AQ sııaqty alyp óndiris oryndary shoǵyrlanǵan. Tipti, óndiristi qalanyń 70 myńynshy turǵyny atanǵan tıtteı sábıdiń ózi de metallýrgter áýletiniń izbasary. Salmaǵy – 3 kılo, 300 gr, boıy – 52 sm. náresteniń ata-anasy – Dáýren men Áıgerim Mustafınovtar da ferroqorytpa zaýytynda eńbek etedi eken.
Sóıtip, kishkentaı turǵynǵa Batyr dep at qoıyldy. Aqsaqaldar el men jerin qorǵaǵan uly batyr babalaryndaı rýhty, jigerli bolyp óssin dep bata berdi. Batyrymyz úlken azamat bolyp óssin. Sábıdiń baýy berik bolsyn dep tilek tilesti. Qala turǵyndary 70 myńynshy turǵynnyń dúnıege kelý kúnin bir-birinen súıinshi surasyp, merekelik sharalarmen atap ótti. Aıtpaqshy, Aqsý qalasynda sońǵy úsh aıda arasynda 6 egiz bar 250 sábı dúnıege kelipti. Al ótken jylǵy egizder sany – 16.
Farıda BYQAI,
«Egemen Qazaqstan».
Pavlodar oblysy,
Aqsý qalasy.